فلپیاں
باب ۱
۱۱۔مسیح یسوع دیاں غلاماں پولس تے تیمھیس ولوں فلپی شہر دیاںساریا ں مسیحیا ں دےنال جہڑے مسیح یسوع وچ نے نگہباناں تے خادماں سنے ۔
۲۲۔ساڈے باپ تے خداوند یسوع مسیح ولوں تہانوں فضل تے تسلی ملدی رہے ۔
۳۳۔میں جدوں تہانوں یاد کرناہاں تدہر ویلےاپنے خدا د ا شکر کرنا ہاں ۔
۴۴۔تے ہراک دعا وچ جہڑی تہاڈے لئی منگنا ہاں سدا خوشی نال تہاڈے لئی منت کرنا ہاں ۔
۵۵۔ایس لئی پئی تُسیں پہلے دن تھوں لگ کے اج تیکر خوشخبری دے پھیلان وچ میرے بھنجال رہے ہو ۔
۶۶۔تے مینوں یقین ہے پئی جس تہاڈے وچ نیک کم شروع کیتا ہے. اُہ اُہنوں یسوع مسیح دےدن پورا کردیگا۔
۷۷۔تے چاہیداوی ہے پئی میں تہاڈے سبھناں دی بابت اجہیا ہی خیا ل کراں کیونجو تُسیں میرے دل وچ وسدے ہو ۔تے میری قید تے خو شخبری دے جواب دین تےثا بت کرن وچ تُسیں سارےمیرے نال فضل وچ بھجال ہو ۔
۸۸۔ خدا میرا گواہ ہے پئی میں مسیح یسوع جہی محبت کرکے تہاڈیاں سار یا ندی چاہ کرناہا ں ۔
۹۹۔تے اِہ دعا کرنا ہاں پئی تہاڈی محبت علم تے ہر طرح دی پچھان نال ہو روی ودھد جاو ے ۔
۱۰۱۰۔ تانجو چنگیاں چنگیاں چیزاں نوں پرکھ سکوتے مسیح دےدن تیکر صاف دل رہو تے کدی ٹھیڈا نہ کھا ؤ۔
۱۱۱۱۔تے راستبازی دے پھل نال جہڑا مسیح یسوع دا صدقہ ہے بھرے رہو ۔تانجو خد ادے جلال تےوڈیائی ہووے ۔
۱۲۱۲۔تے بھراؤمیں تہانوں دسنا چاہناں ہاں پئی جو کجھ میرے اُتے بیتیا اُ ہ خوشخبری دی تر قی ہی دا سبب بنیا ۔
۱۳۱۳۔ایتھوں تیکر پئی قیصر سپاہیاں دی ساری پلٹن تے باقی ساریاں لوکاںوچ مشہور ہوگیا پئی میں مسیح دے واسطے قید ہاں ۔
۱۴۱۴۔تےجہڑے خداوند وچ بھر ا نے کئی میر ے قید ہون دا صدقہ دلیر ہو کے بے دھڑک خدا داکلام سناں وچ ودھ کے حوصلہ کردے نے۔
۱۵۱۵۔کئی تے ساڈےتے جھگڑے دا صدقہ مسیح د ی منادی کردے نے تے کئی نیک نیتی نال ۔
۱۶۱۶۔اک محبت دا صدقہ اِہ جانکے مسیح د ابیان کردے نے ۔پئی میں خو شخبری دا جواب دین لئی مقر ر ہاں۔
۱۷۱۷۔پر دوجے جھگڑے دا صدقہ صا ف دل نال نہیں سگوں ایس خیال نال پئی میری قید وچ میرے لئی دکھ پیداکرن ۔
۱۸۱۸۔سو پھیر کیہ ہویا ؟نرااِہ پئی سب طرح نال مسیح دابیا ن ہندا ہے۔ بھانویں دکھادے لئی ہووے بھا نویں سچیائی نال تےایس تھوں میں خوش ہاں تے رہا نگاوی ۔
۱۹۱۹۔کیونجو میں جاننا ہاں پئی تہاڈ ی دعا تے یسوع مسیح دے روح دے انعام تھوں اہدا پھل میری نجات ہوویگا ۔
۲۰۲۰۔سو میرے دل دی مرضی تےاُمید ہو ہی ہے پئی میں کسے گل وچ شرمند نہ ہوواں سگوں میری پورا دلیری دا صد قہ جس طرح مسیح دی وڈیا ئی میرے بدن دے سببوں سدا ہندی رہی ہےاوسے طرح ہن وی ہو ویگی ۔بھا نویں میں مر جاں تے بھا نویں میں جیوندا رہاں ۔
۲۱۲۱۔کیونجو جیوندیاں رہنا میرے لئی مسیح ہے ۔تے مرنا نفع ۔
۲۲۲۲۔ پرجےمیرا جسم وچ جیوندا رہناں ہی میرے کم دے لئی فا ید ے والا ہے۔ تاںمیری سمجھ وچ نہیں آؤ ندا پئی میں کہنوں چناں ۔
۲۳۲۳۔ میں دوولی پھسیا ہویا ہاں۔ پرجی تے اِہ چا ہندا ہے۔ پئی ٹرجاں تے مسیح دے کول رہواں کیونجو اہ بہت ہی چنگا ہے ۔
۲۴۲۴۔پر جسم وچ رہنا تہاڈی خاطر بہتا ضروری ہے ۔
۲۵۲۵۔تے ایس کرکے پئی مینوں اِہد ا یقین ہے۔ ایس لئی میں جانا ہاں پئی جیوندا رہانگا ۔سگوں تہاڈےسبھناں دے نال رہو انگا تا نجو تُسیں ایمان وچ ودھو تے اُہدے وچ خوش رہو۔
۲۶۲۶۔تے جہڑا فخر تہانوں میرےاُتے ہے ۔اُہ میرے تہاڈے کول آون نال مسیح یسوع د ا صدقہ ودھیرا ہوجائے ۔
۲۷۲۷۔نرا اِہ کرو پئی تہاڈا چال چلن مسیح دی خوشخبری دے لائق داہووے ۔تانجو بھا نویں تے تہانوں ویکھاں تے بھانویں نہ آواں تہاڈا اِہ حال سناں۔ پئی تُسیں اکو روح وچ پکے ہو تے انجیل دےایمان دے لئی اک جان ہوکے دل توڑ کے کم کردے ہو ۔
۲۸۲۸۔تے کسے گل وچ دشمناں کولوں نہیں ڈردے ۔اِہ اُہناں لئی ہلاکت دا صاف نشان ہے۔تے تہاڈے لئی خدا ولوں نجات دا ۔
۲۹۲۹۔کیونجو مسیح د ی خاطر تہاڈے اُتے اِہ فضل ہویا پئی نہ نرے اُہدے اُتے ایما ن لیا ؤسگوں اہدی خاطر دکھ وی سہندے رہو۔
۳۰۳۰۔ تے تُسیں اوسے طرح دلوں وجوں کوشش کردے ہو ۔جس طرح مینوں کردیاں ویکھیا سی ۔تے ہن وی سندے ہو پئی میں اوسے طرح کرنا ہاں ۔