باب ۱

^۱۱۔پولس تے سلو انس تے تمتھیس وِلّو ں تھسلُنیکیاں دی کلیسیا دے ناں جہڑی باپ تے خداوند یسوع وچ ہے۔فضل تے تسلی تہانوں ملدی رہے۔ ^۲۲۔تہاڈے سبھناں ولوں اسیں خدادا شکر کرنے ہاں تے اپنیاں دعاواں وچ سدا یہانو ں یادکرنے ہاں۔ ^۳۳۔تے اپنےخدا تے باپ اگے تہاڈے ایمان دےکم تے محبت دی محنت تے اوس اُمید دے صبر نوں جہڑا ساڈے خداوند یسوع مسیح دے اُتے ہےہر ویلے یاد ہا ں ۔ ^۴۴۔بھر اؤ خددے پیاریو اسیں جاننے ہاں پئی تسیں چنے ہوئے ہو ۔ ^۵۵۔ ایس لئی پئی ساڈی خوشخبری تہاڈے کو ل نر یاں گلاں نال پر زور تے پاک روح تے پورے اعتقاد نال اپڑی جس طرح تہانوں پتہ ہے پئی اساں تہاڈی خاطر تہا ڈے وچ کہیو جہیا بن وکھا یا ۔ ^۶۶۔تے تسیں کلام نو ں بڑ ی مصیبت وچ پاک روح دی خوشی نا ل من کےساڈے تے نالے خدا ونددے نمونے اُتے چلن والے بنے۔ ^۷۷۔ایتھوں تیکر پئی مکدنیہ تے اخیہ وچ سارے ایمانداراں لئی نمو نہ بنگئے ۔ ^۸۸۔کیونجو تہاڈے کولوں نہ نرا مکد نیہ تے اخیہ وچ خدادے کلام دی پکار ہوئی سگوں تہاڈا ایمان جہڑا خدااُتے ہےہر تھاں اجہیادھم گیا۔پئی ساڈے آکھن دی کوئی لوڑ نہیں ۔ ^۹۹۔ ایس لئی پئی اُہ آپ ساڈا ذکرکردے نے پئی ساڈا تہاڈے کو ل آؤنا کہیو جہیا ہویا تے تُسیں کس طرح بتاں ولوں خدا ول مڑے تانجو سچے خدا دے بندے بنو ۔ ^۱۰۱۰۔تے اُہدے بیٹے دے اسما ن وَلّوں آؤن دی اُڈیک وچ رہو ۔جنہوں اوس مردیاں وچوں جوایا جہداناں ہےیسوع جہڑا سانوں آؤن والے غضبوں چھڈ اندا ہے ۔